Innskráning

Notendaskilmálar korta

Skilmálar vefverslunar Eyjafjarðarsveitar.
Velkominn í vefverslun Eyjafjarðarsveitar sem er í eigu og rekstri Eyjafjarðarsveitar, kt. 410191-2029, Skólatröð 9, 605 Akureyri. Hér eftir verður notast við „við“, „okkur“ og „okkar“ þegar átt er við vefverslun Eyjafjarðarsveitar.

Vinsamlegast lestu skilmálana vandlega áður en þú verslar í vefverslun okkar. Með því að nota vefverslun Eyjafjarðarsveitar samþykkir þú þessa skilmála:

1. SKILGREININGAR

  • Fullorðinn eru einstaklingar sem eru 18 ára og eldri.
  • Skiptakort eru sundkort/líkamsræktarkort með inneign á ákveðinn fjölda ferða.
  • Tímabilskort eru kort sem gefið er út með nafni og kennitölu einstaklings og eru aðeins til einkanota fyrir þann einstakling.
  • Sundkort veita aðgang að sundlaug Eyjafjarðarsveitar og líkamsræktinni í íþróttamiðstöðinni.
  • Kortin eru sjálfsafgreiðslukort.
  • Klippikort gildir einungis fyrir Gámasvæði Eyjafjarðarsveitar.

2. NOTENDAREGLUR

Skiptakort

  • Hægt er að kaupa sundkort/líkamsræktarkort með inneign á ákveðinn fjölda ferða.
  • Fleiri en einn einstaklingur innan sömu fjölskyldu getur notað sama skiptakort.
  • Skiptakort gildir ekki fyrir hópa.
  • Gildistími skiptakorta er 48 mánuðir frá kaupdegi.

Tímabilskort

  • Eru kort sem gefin eru út fyrir ákveðinn einstakling og eru til einkanota fyrir þann einstakling.
  • Eru aðgreind fyrir börn, fullorðna, aldraða og aðra skilgreinda hópa.
  • Kortið veitir ótakmarkaðar ferðir yfir fyrirfram skilgreint tímabil.

3. GJALDSKRÁ

  • Eyjafjarðarsveit gefur árlega út gjaldskrá fyrir starfsstaði sveitarfélagsins. Gjaldskrá hvers árs er aðgengileg á heimasíðu Eyjafjarðarsveitar, esveit.is, og hangir uppi á starfsstöðvum.

4. SKILAREGLUR

  • Skiptakortum er ekki hægt að skipta yfir í tímabilskort.
  • Ekki er hægt að leggja inn sundkort tímabundið.
  • Ekki er boðið upp á að framselja tímabilskort á aðra kennitölu.

5. VANEFNDIR, LOKUN KORTA

  • Ef korthafi gerist brotlegur við notendareglur samkvæmt skilmálum þessum hefur Eyjafjarðarsveit heimild til að afturkalla og loka korti fyrirvaralaust.

6. GREIÐSLUVANDAMÁL

  • Ef vandamál vegna greiðslu koma upp eftirá (t.d. vangreiðsla) áskiljum við okkur rétt til að hafna greiðslunni og hætta við pöntunina.

7. MISNOTKUN Á KORTUM

  • Verði einstaklingur uppvís að því að framvísa eða nota tímabilskort sem skráð er á annan einstakling hefur Eyjafjarðarsveit heimild til að loka viðkomandi korti.

8. PERSÓNUUPPLÝSINGAR

  • Við virðum friðhelgi þína og meðhöndlum persónuupplýsingar í samræmi við lög nr. 77/2000 um persónuvernd og meðferð persónuupplýsinga.
  • Þegar verslað er á vefsíðu þarf að gefa upp nafn, heimilisfang og netfang. Þessar upplýsingar eru eingöngu nýttar til að ganga frá pöntun og kaupsaga er vistuð á öruggu læstu svæði.
  • Kortanúmer eru aldrei geymd á vefsvæði okkar. Einungis er hægt að sjá tegund greiðslu ef fletta þarf upp í pöntun.
  • Við deilum aldrei persónuupplýsingum með þriðja aðila.